“Impulso” nace da necesidade repentina de sentir alivio. Como un grito desafogado ou unha carreira arrebatada, amainando o pesar e desconxestionando a circulación do meu pensamento.
Esta peza realiceina en madeira de cerdeira, que cos seus anos de antigüidade manifestan no seu aspecto os sinais causados polo paso do tempo.
Neste material reflexo o que este mesmo pasar dos anos causa no meu propio corpo, ensinándonos que o tránsito pola vida é inherente a que esta deixe pegadas en nosoutras, realzando a importancia de que a sociedade e nós mesmas aceptemos que son parte da nosa natureza.

Técnica: Madeira de cerdeira. Talla.
Dimensións: 42 cm de alto, 12 cm de ancho, 22,50 cm de profundidade
Peso: 2,5 kg